UMayor Uhalalisela Abahlonzwe Kuhlelo Lokushayela
1 February 2022
UMaspala Usingathe Umkhankaso i-She Conquers
22 February 2022
Njengengxenye yokuzibophezela ekuthuthukisweni komphakathi, iMeya kaMasipala wakwaMaphumulo uCllr Siboniso Nyathikazi ehambisana noSekela Meya uCllr Sinenhlanhla Chili kanye noSomlomo uCllr Musawenkosi Ngidi, uphendule isoyi emgwaqeni ozofakwa itiyela uMnawe Road ngoLwesine zingu 2 kuZibandlela 2021 eWadi 8.
Loluhlelo luzobhekana nokukhala komphakathi ngemigwaqo emibi emphakathini njengoba lokhu bekulokhu kuphakanyiswa emhlanganweni womphakathi woHlelo Oludidiyelwe Lwentuthuko (IDP Roadshows).
Le phrojekthi izophinde ibhekane nokutholakala kalula kwezimoto ezithutha umphakathi kubagibeli kanye nezinkinga zamanzi ezimosha imgwaqo okwenza kube nzima ukuthi izimoto zihambe ngokukhululeka.
IMeya iveze ukubaluleka kokuletha izidingongqangi kubantu ngokuthuthukiswa kwengqalasizinda. “Sinikeza amalungu omphakathi izinkundla zokuthi abambe iqhaza ezinhlelweni zikahulumeni nasekusetshenzisweni kwezidingongqangi ngale mihlangano yokuxoxisana ukuze nazi ngamaphrojekthi. Lokhu sikwenzela ukuthi umphakathi wazi ngezinto ezizokwenzeka emphakathini wawo ukuze ukwazi ukuzibambela mathupha.” Kusho iMeya uNyathikazi.
IMeya iphinde yaveza ukuthi le phrojekthi izosebenza isikhathi esiyizinyanga eziwu-6 futhi izohlomulisa amalunga omphakathi ngemisebenzi, osomabhizinisi bendawo futhi iqeqeshe intsha ngamakhono ehlukene.
Iyaphela.
